per il 25 aprile "na man"
Inviato: sab apr 26, 2014 5:47 pm"Ti senti tosata,tienghe na man! Fursi al se chiéta e el fa manco bacan"
La tosata ere mi, me parléa 'n Partigian, se lamentéa 'n Todesco, l'era quel al bacan.
Parèa na fiaba e no storia vera, taliani e todeschi, finida la guera, té n'ospedal de fortuna medegàdi, fassàdi, vizini de lét i se era catadi.
E mi, proprio tosàta, me son catada infermiera, a corer da un a l'altro: l'è stat la me guera!
"Dai tienghe na man, su, vizinete al lét". Mi vardee, te la carega, co la grisa divisa l'elmét! E..ai paesi brusàdi, ai mort fusilàdi, picàdi, a quei che da i "Campi" no i sarie pi tornadi..co 'n grop té la gola stée ferma a pensar: "La man an todesco? No, no so come far!"
Sì, anca mi, tante olte avée pensa de copar! Sognée na pistola.. an canon par sparar!
Quel al ciaméa "Mama" co sto fià che no gnéa: Mutter..mutter..
An todesco la Mama? No ghe vee mai pensà, sò 'ndata da rente e, la man ò slongà.
L'è passà tanti ani, ma no l'è 'n ricordo lontan, me par ancora de strenzer co la méa, quela man:
quel di na lezion grande ò imparà:
CHE COPA L'E' LA GUERA E ..MAI AL SOLDA'!!!
Luigina Tavi poesia scritta per i partigiani sepolti al cimitero di Prade a Belluno
La tosata ere mi, me parléa 'n Partigian, se lamentéa 'n Todesco, l'era quel al bacan.
Parèa na fiaba e no storia vera, taliani e todeschi, finida la guera, té n'ospedal de fortuna medegàdi, fassàdi, vizini de lét i se era catadi.
E mi, proprio tosàta, me son catada infermiera, a corer da un a l'altro: l'è stat la me guera!
"Dai tienghe na man, su, vizinete al lét". Mi vardee, te la carega, co la grisa divisa l'elmét! E..ai paesi brusàdi, ai mort fusilàdi, picàdi, a quei che da i "Campi" no i sarie pi tornadi..co 'n grop té la gola stée ferma a pensar: "La man an todesco? No, no so come far!"
Sì, anca mi, tante olte avée pensa de copar! Sognée na pistola.. an canon par sparar!
Quel al ciaméa "Mama" co sto fià che no gnéa: Mutter..mutter..
An todesco la Mama? No ghe vee mai pensà, sò 'ndata da rente e, la man ò slongà.
L'è passà tanti ani, ma no l'è 'n ricordo lontan, me par ancora de strenzer co la méa, quela man:
quel di na lezion grande ò imparà:
CHE COPA L'E' LA GUERA E ..MAI AL SOLDA'!!!
Luigina Tavi poesia scritta per i partigiani sepolti al cimitero di Prade a Belluno